Herfsblare

Pretoria is bekend vir pers Jakarandablomme wat die stad tydens Oktobermaand se eksamen tyd met n sagte heuning geur vul. Mooier egter in my eie oë is die verbronsde koper blare van hierdie stad se eikebome in die herfs. 

Dit vorm n sagte tapyt wat die kilheid van die koue wat kom verbloem en my hart met matelose soet ouwêreldse melankolie vul. 

Mei is vir my ‘n herinnerings maand. Slagtyd; my ma se lekker vars voorbereide lewer en niertjies vir middagete en karmenaatjie vir die sendelingvrou wat kom help vleis verwerk. Buite in die agtertuin van die vierkantige roes-rooi klinkersteen huis op Witsieshoek staan ‘n massiewe  3poot pot waarin die belofte van boerseep borrel. Maatjies met deur mekaar hare, tuisgemaakde truie en corderoi broeke speel in tuine waar die gras reeds vaal geel is en Afrikanertjies en Kappertjies om die beurt fees vier.

Miskien kan ek hierdie herinnerings so verromantiseer omdat die tyd in Witsieshoek my ouers se huwelik se voorjare was en my pa se duitse blou oë nog met hoop geblink het. In my hart glo ek dis meer omdat die onskuld en vrede van begin in daardie tyd se herfsblare vas gevang lê. Die tyd voor die lewe gebeur het en foute, gebeurtenisse en die onomkeerbare onbeheerbare die Kappertjies en Afrikanertjies flinters probeer trap het.

Deur diep genade  kan ek vandag terug kyk en glimlag, die mooi en koestering onthou. My selfs diep ingrou in hierdie stuk verlede wat waarde kom gee aan my hede terwyl die eikeboom blare nes maak op die sypaadjies van Pretoria en ek aanstap met hoop.

Advertisements

One thought on “Herfsblare

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s