Ons bak weekliks twee heerlike Challah broodjie wat ons gebruik tydens nagmaal om ons rusdag in te wei. Soms bak ek die broodjies en soms bak Louis dit maar deesdae is dit nogal gereeld Christiaan wat dit wil doen. Sy eerste broodjies was heerlik en toe nou onlangs loop alles skeef. Die broodjies wil nie rys nie of die konveksie oondjie waar in ons dit laat rys word per ongeluk op mikrogolf gestel wat mens binne minute met n rokende klipharde kluit deeg laat.
Toe die bakkery wéér skeef loop en my kind verslae voor my staan besef ek iets en deel toe so my grootste kosmaak geheim met my seuns. Weet jul dat mamma altyd bid as mamma kosmaak of bak? Ek vertrou die Here om my te wys as ek nog n eier of bietjie meer meel of suiker moet byvoeg. Ek vertrou Hom oor hoeveel kerriepoeier om in te gooi en om te weet hoeveel sout moet ek insit as ek ‘n resep verdubbel. As ek hierdie broodjie bak, bid ek dat die Here dit sal seën, dat lekker sal wees en mooi sal rys en dat ek dit betyds uit die oond sal haal… laasgenoemde bid ek vir alle gebak want ek raak gereeld erens anders besig en hoor nie altyd die klokkie lui nie.
Die resultaat is toe herhaaldelik lieflike bros bruin broodkorsies met die heerlike sagte binnekant wat so bekend is aan hierdie gewilde eierbroodjies. Alles verloop klopdisselboom tot gisteraand…
Die broodjie wil nie rys nie, die water vir die suurdeeg was mooi lou, die deeg se tekstuur is reg, die oondjie se hitte op 40°C maar na 30minute het die deeg nog glad nie gerys nie. Hy het gebid sê hy teleursgestel. Sit dit vir nog 30minute in self Louis voor. ‘n Halfuur later het die deeg steeds nie gerys nie. Nou is almal teleurgesteld. Dis klam en winterkoud in Gauteng en ons almal het uitgesien na die warm brood uit die oond. Christiaan sit die bak met deeg op die toonbank en kom staan by ons in die sitkamer. Ons begin beraadslaag oor die deeg, bak is nie die moeite werd nie want sulke ongerysde deeg se oond einde is gewoonlik ‘n wurg droë onsmaaklikheid. Dalk kan die kinders dit maar vir klei gebruik stel ek voor waar ek onder die warmte van ‘n amper klaar gehekelde kombers besig is om die finale steke te doen. Die plan kry nogal aftrek. Louis hou nie van mors nie, dalk kan ons nog suurdeeg aanmaak en dit inwerk, dis darm die probeer werd? Ons verduidelik vir Christiaan hoe om die suurdeeg te aktiveer en hy gaan spring aan die werk, die volgende oomblik is hy terug in die sitkamer. “Pappa die deeg het gerys!”
“Dis onmoontlik! Dit staan buite in die koue kombuis is my eerste reaksie” Maar die bak gerysde deeg is die oorvloedige bewys van ‘n klein wonderwerk in ons kombuis. Die Here het die broodjie waarvoor gebid is se deeg in die mees ongunstigde omstandighede laat rys!
Wat is vir God onmoontlik? Niks nie!
Hierdie week in my stilte tyd lees ek oor Petrus geboei en bewaak deur twee wagte weerskante van hom wat deur die engel uit die tronk bevry word. Jakobus is reeds deur Herodus dood gemaak met ‘n swaard en toe hy sien dat dit die Jode geval het hy sy tyd mooi gekies. Dit is paasfees met massas mense in Jerusalem, ‘n goeie tyd om vir Petrus ook tereg te stel. in die gemeente van God het daar voortdurende gebed vir Petrus opgegaan. Skielik was daar ‘n engel van God by hom en ‘n lig skyn in die gevangenis, die engel slaan Petrus op die sy en en beveel hom om op te staan, die boeie val van Petrus af. Die engel beveel hom, omgord jou en trek jou skoene en bo kleed aan en Petrus wat meen dat hy ‘n gesig sien volg die engel uit die tronk ook uit ook verby die wagte wat buite wagstaan. Die ysterpoort van die stad het vanself vir hulle oopgegaan. Toe hy by Maria se huis aankom waar baie in gebed by mekaar is, is die diensmeisie by die deur so opgewonde dat sy vergeet om hom in te laat. Sy hardloop en gaan vertel dat Petrus voor die poort staan. Die bidders se reaksie… “Jy is van jou verstand af!” (Handelinge 12)
Petrus het egter aanhou klop tot hul met verbasing vir hom oop gemaak het.
Hoe gereeld bid ons en mis die wonderwerk omdat dit buite ons verwagtings raam werk lê?
Is anything impossible for YHVH?
Jeremiah 32:27 I am the Lord, the God of all mankind. Is anything too hard for me?
Matthew 19:26 Jesus looked at them and said, “With man this is impossible, but with God all things are possible”
Cinnamon and chocolate cake 